сүүтэй бялуу

Энгийн сүүтэй бялуу хийх жор оруулж байна. Чимэглэлийг та өөрийн хүслээр хийгээрэй.

ОРЦ: 8 хүн

2,5 стакан гурил

2 ц/х хөөлгөгч

¾ ц/х давс

1,5 стакан сүү

1,5 стакан сахар

4ш өндөг

170г масло

1ц/х ваниль

ХИЙХ АРГА:

1. Гурил хөөлгөгч давс 3-ыг хамт шигшинэ. Өндөгийг шар цагаанаар нь хуваана.  Өндөгний цагааныг миксердэж хөвсгөр болсны дараа 100г элсэн чихэр нэмнэ. Дахиад миксердэнэ.

2. Маслыг миксерээр бяцлаад  үлдсэн элсэн чихэрээ нэмээд сайтар хутгана. Үүний дараа шигшсэн гурил сүүнээс бага багаар нэмээд хутгана. Бүгдийг хийгээд дууссан бол ваниль нэмээд, миксердсэн өндөгний цагаанаа нэмээд хутгана. 

3. Листээ маслоор тослоод цаасаа дэвсэнэ. Зуурмагаа хувааж листэндээ тэнцүү хийгээд тэгшилж өгнө.  180С 25-30 минут шарна. 

4. Крем болон жимсээр чимэглэж өгнө.

Өндөгтэй бялуу

Өндөгтэй бялуу 

Шанзны орц: 300 гр гурилан зуурмаг

3 том өндөг

1 том чимх самрын нунтаг

200 мл бүлээн сүү

2 халбага буюу 80 гр сахар

Гурилан зуурмагны орц: 300 гр зуурмаг гарна. 

Шигшсэн гурил 200 гр

чимх давс

сахар 50 гр

100гр масло (дөрвөлжилж хэрчсэн)

2-3 халбага хүйтэн ус

Бэлдэх арга: Эхлээд гурилан зуурмагаа бэлтгэнэ. Том аяганд гурил, давс, масло, сахараа хийгээд гараараа зөөлөн базна. Маслыг гурилтай бүрэн холисны дараа гурилны хатуу зөөлнөөс хамаарч хүйтэн ус хийнэ. Зуурмаг бэлэн болсны дараа цэвэр даавуугаар хучаад 15-30 минут амрааж хэрэглэхэд бэлэн болгоно.Бэлэн зуурмагаа гаргаад гараараа урт нарийн болгон хэвлэж буузны гурилаас том хэмжээтэй таслана. Үүнийгээ гараараа нимгэн хавтгай болгож хэвэнд нааж өгнө.Ингэхдээ ёроолын хэсгийг зузаан хийж болохгүй. Хэвэнд хийсний дараа сэрээгээр ёроолыг зөөлөн хатгаж нүх гаргана. 

Шанз бэлтгэхдээ өндөгний шараар нь хийнэ. Цагаантай нь хамт хийж болох боловч амархан хөөсөрдөг. Тиймээс шараар нь хийвэл илүү тохиромжтой. Саванд өндөг, сүү, сахар, самрын нунтгаа хийгээд холигчоор сайтар зуурна. Үүний дараа цайны шүүрээр зуурмагаа шүүнэ. Энэ нь том хөөсийг арилгаж байгаа хэрэг юм. Зуурмагаа хэвэндээ хийхдээ ирмэгээс 5 мм доор байхаар тооцож хийнэ. Шарах шүүгээндээ хийхээс өмнө 160-180 градус хүртэл урьдчилан халаасан байх шаардлагатай. Өндөгний бялууг 20-25 минут жигнэнэ.

Бяслагтай бялуу

Бяслагтай бялуу

Бисквитний орц:500 гр зөөлөн бяслаг

120 гр элсэн чихэр

3 хоолны халбага сүүн крем

3 өндөг

1 цайны халбага ваниллын охь

Доод бүрхүүлний орц:4 хоолны халбага масло

2 хоолны халбага элсэн чихэр

400 гр жигнэмэгийн сайн жижиглэсэн үйрмэг

Дээд бүрхүүлний орц:500 мл цөцгий

1/2 хоолны халбага элсэн чихэр

1 цайны халбага ваниллын охь

Бэлдэх арга: Бяслаг, элсэн чихэр, сүүн крем гурваа холь. Таны бяслаг дээд зэргийн зөөлөн байх ёстой. Өндгөө нэг нэгээр нь хийж хутгаад, ваниллын охио хийж дахин хутгана. Бэлэн болсон зуурмагийг түр амраа. Маслоо хайлуулаад, 2 хоолны халбага элсэн чихрээ хийгээд, хутгах явцдаа үйрүүлсэн жигнэмэгээ бага багаар нь хийж холь. Бэлэн болсон зуурмагаа тосолсон хэвэнд жигд тараана.Эхний бяслагтай зуурмагаа жигнэмэгтэй зуурмагийг жигд тараасан хэвэндээ хийгээд 350 градуст 20 минут жигнэнэ. Бэлэн болсон бялууг хөргөнө. Элсэн чихэр, цөцгий, ваниллын охь гурваа холиод хөргөсөн бялуун дээр тарааж 375 градуст 10 минут жигнэнэ.  Бялуугаа гаргаад 6 цаг хөргөгчинд байлгасны дараа идэж болно

Шоколадтай жижиг бялуу

   Шоколадтай жижиг бялуу хийх арга 

Орц: Бялууны кекст: 100 гр сахар

1 уут ванилин сахар,2 халбага халуун ус

2 ш том өндөг, 100 гр улаан буудайн гурил

½ халбага бялуу хөөлгөгч

Шоколадтай кремд:150 гр зөөлөн шоколад

150 мл цөцгий

Өнгөлөхөд: нунтаг сахар

хатуу шоколад

Бэлдэх арга:  Шоколадтай кремд зориулсан шоколадыг жижиглэж цөцгийтэй холиод шоколадыг хайлтал халаана. 

Үүнийхээ дараа шоколадтай кремыг сайн хөргөнө. (хамгийн сайн нь нэг шөнө хөргөх юм) Бялууны кекст зориулсан өндөгийг устай хольж хөөсөртөл нь 1 минут хүчтэй хутгана. Сахар, ванилин сахарыг хооронд нь холиод, өндөгрүү хийж ахин 2 минут хутгана. Гурилыг бялуу хөөлгөгчтэй хольж шигшээд, үүнийхээ хагасыг бэлдсэн өндөгний зуурмагруу хийж зөөлөн хутгана. Үлдэгдэл гурилыг ийм маягаар хийж хутгаарай. Шарах шүүгээг урьдчилан 200 градусд халаана.

Бэлэн болсон бялууны шингэн гурилыг жигнэх хавтгай саванд хийж (савыг зориулалтын цаасаар хучаад, тослосон байна), гадаргууг нь тэгшлээд шарах шүүгээний саргар төмөр дээр байрлуулаад, шарах шүүгээний 200 градусд ойролцоогоор 12 минут жигнэнэ.Бялууны кексийг савнаас авч хөргөөд хөндлөн хувааж зүснэ.Үүнийхээ доод кексийг нь шоколадтай кремээр бүрж, үүн дээрээ дээд кексийг тавьж, хүйтэн газар тавина.Шоколадтай бялууг нунтаг саахар болон шоколадаар чимэглэж, эхлээд квадрат, дараа нь гурвалжин хэлбэрээр зүсээд таваглаарай. Зөвлөмж: Шоколадтай кремыг сайн хөргөсөн байх шаардлагатай, тэгэхгүй бол бялуу нь сайн царцаж өгөхгүй. 

”Элсэн” бялуу

 ”Элсэн” бялуу

Орц: Таван стакан гурил 

нэг стакан цөцгий

таван өндөгний шар

200 грамм цөцгийн тос

нэг стакан сахар

давс

хутганы үзүүрээр сод.

Крем: Таван ширхэг өндөгний цагаан

нэг стакан самар

нэг стакан сахар

Бэлдэх арга: Маслоо цөцгий мэт болтол хутгана. Өөр нэг саванд өндөгний шарыг сахартайгаа холиод дээр нь цөцгийгээ нэмнэ. Ингээд нэг өнгийн зуурмаг болмогц нь масло хийж, сод, давс, гурилаа хийж хутгаад 20 – 30 минут хүйтэн газар тавьж амраах хэрэгтэй. Үүний дараа тестээ авч гурван тэнцүү хэсэгт хуваа. Хэсэг тус бүрийг нэг ижил дугуй хэлбэртэй хэвэнд хий. Кремээ хийхдээ өндөгний цагааныг сахартай хутгаж хэмжээг нь нэмэгдтэл хутгаад жижиглэсэн самраа холь. Гурилан зуурмагийн гадаргуугийн хэсэгт кремийн үлдэгдлээ түрхээд самраа цац. Шарах шүүгээгээ  200 – 220 хэм халааж шаргалтах хүртэл нь байлгах хэрэгтэй

Цөцгийтэй бялуу

Цөцгийтэй бялуу

Орц: Нэг кг жинтэй бялууны хувьд 200 грамм гурил

сахар

500 грамм өтгөн цөцгий

зургаан ширхэг өндөг

500 грамм улаан буудайн талхны хатаамаг

25 грамм цөцгийн тос /сахарны нунтаг цацахад зориулсан

жимсний чанамал.

Бэлдэх арга: Цөцгийн тосоо хөөсөртөл хутгана. Харин өндөгний шарыг сахараа уустал хутгаад цөцгийн тостойгоо хольж гурилаа бага багаар хийн тасралтгүй хутга. Бүгдийг нэг төрлийн зуурмаг болтол зуурна. Бэлэн болсон гурилан зуурмагаа хутгаад хэв бүхий савандаа болгоомжтой хийж хатаамал нунтаг талхаа цацна. Шарах шүүгээгээ 200 -220 градус хүртэл халааж, 25 – 30 мин байлгана. Бялуугаа хөргөсний дараа хэвнээс нь гаргаад нунтаг сахар цацаарай.

Зөгийн балтай бялуу

Зөгийн балтай бялуу

Бэлдэх арга: 250 грамм зөгийн баланд тал стакан ус 

нэг стакан ургамлын тос нэмж хийнэ

Дараа нь тал стакан жижиглэсэн самар

мөн тал стакан үзэм, 2 – 3 хоолны халбага цукат

нэг цайны халбага какао

уксуст хийсэн нэг цайны халбага сод

зуурмаг хийхэд тохирсон хэмжээний гурил

Бэлэн болсон зуурмагаа хоёр см зузаантай элдээд шарах шүүгээний тосолсон хавтан дээр тавина. Шарах шүүгээнд ойролцоогоор цаг хэртэй байлгаад гаргаж хөргөнө. Дараа нь нимбэгний чихэрлэг шүүс цацах эсвэл сахарны нунтаг цацаж хавтан дээр тавь.

Чихэрлэг түрхлэг: 200 грамм жижиг ширхэгтэй сахар эсвэл пудр, нэг ширхэг өндөгний цагаан, тал нимбэгний шүүс